الوسطة

اصبح مفهوم الوسطة حاليا شىء اساسى فى مجتمعنا و الكل بقى يعتمد علية فى كتير من حياتة و بقى ركن اساسى علشان تنجح او تحقق حاجة فى حياتك
اتعمم المفهوم دة على مراحل من زمان لحد ما اصبح من الطبيعى انك تحاج و سطة فى اى حاجة تحاول تعملها

و بقى جملة (هوصى عليك ) كتير منا بيتطلبها دة لو ماكنش كلنا صراحة و ماحدش بيدخل فى عمل جديد
الا لما يدور على وسطة و كل واحد فرصتة على اد الوسطة الى معاة

الوسطة دلوقتى الناس بتسأل عليها فى حاجات تافهة جدا بس الواحد بيشعر بالاطمئنان لما يكون معاة وسطة
اول مرة روحنا المدرسة كان اهلنا بيوصوا علينا علشان نعد فى تختة ودام الصبورة ههههههه
مع ان بعد مرحلة الابتدأية بقينا بنتخانق علشان اخر تختة

دلوقتى الوسطة وصلت لحاجات كبيرة اوى ممكن فى كليات او فى الجيش او فى العمل
يعنى وصلت لدرجة انها ممكن تتحكم فى مصير و مستقبل الانسان

السؤال هنا ( المغزى ) ؟؟؟؟؟
هل لو حد طلب منك وسطة هتتاخر علية ولا على طول هتساعدة و تعمل الى هوة عايزة
طب لو حبيت تعمل حاجة هتحتاج وسطة ولا ................
مش عارف بصراحة بس لازم مفهوم الوسطة دة يتغير لأنة تربع فى المجتمع بتاعنا و دلدل رجلة