البنت بتتكلم براحتها في التليفون وأبوها أو جوزها هو إللي بيدفع الفاتورة في الآخر.
مفيش حد بيبص على بدلة العريس كله بيبص على فستان العروسة.
لو واحدة عملت مخالفة وعيطت شوية للظابط هايعديها...... لو راجل هاياخد على دماغه.
لو واحدة ما ادتش قرايبها عيدية مش هايقولوا عليها بخيلة ...هايقولوا أصل العيب على جوزها.
لو واحدة إتأخرت على المحاضرة ممكن الدكاترة يدخلوها..... لو ولد هايقولوا روح يابابا كمل نوم برة في الشمس.
لو حصل زعل بين البنت وباباها مش هايطردها برة البيت وهي بس يادوب تعيط شوية وباب هايروح يصالحها على طول .... أما الولد فايدوب يلحق مكان ينام فيه جنب البواب.
نيجي بقى لدلع البنات
ياعسولة ( 5 سنين)
ياعروسة ( 12 سنة)
ياقمر ( 18 سنة )
يا هانم ( 40 سنة )
يا أم العيال ( 50 سنة)
يا ست الكل ( 60 سنة)
دلع الولاد
انت ياد (10 سنين)
انت ياشحط بقيت طول الباب ( 18 سنة)
ياراجل ( 40 سنة)
ياعم الحاج ( 50 سنة)
ياراجل يا عجوز مناخيرك قد الكوز ( 60 سنة)
و يا بخت البنات...
الأربعاء يوليو 27, 2011 4:16 pm من طرف الحزين
