احكي معانا بدون خجل او احراج

السلام عليكم
انا فكرت في موضوع ظريف و جت علي بالي فكرة الموضوع ده
الموضوع ده عبارة عن كل واحد بيحكي موقف حصله سواء كان الموقف ده احرجه او كان موقف مميز في حياته بس اتمني من الاعضاء اللي تشارك معايا
ان لا تضيف اي تعليقات علي مواقف الاخرين و لو عندهم احراج انهم يحكوا شئ اذا يكفي عليهم انهم يتابعوا الموضوع بس

و انا اول واحد هبتدي علشان اشجع الناس
بصم انا حصل معايا موقفين محرجين شويا اول واحد كنت في منطقة اسمها ابراهمية دي في اسكندرية و انا واقف في شارع ابو قير عدت بنت من جمبي فعاكستها و مفيش ثانية كان ابوها ماشي وراها و طلع راجل يعرفني و انا اعرفه بس اللي احرجني اكتر انه سألني بعاكسها ليه و انا رديت اني مكنتش اعرف انها بنته
بس الصراحة كنت في نص هدومي

اما تاني موقف
كنت في الكلية بحضر محاضرة رياضة (Math) و بعدين قبل نهاية المحاضرة كنت اتخنقت من القعدة شويا فاستأذنت الدكتور اروح الحمام اهو علشان اغسل وشي اصل اكترية وقتي بروح الكلية و انا مطبق المهم روحت الحمام مفيش ثانية لقيت واحد صاحبي بردو استأذن من المحاضرة علشان يجي الحمام و احنا في الحمام صاحبي قالي انه اتخنق من المحاضرة و من الدكتور و كدة فانا شتمت الدكتور بأسمه يدوب مخلصتش الشتيمة كان الدكتور مخلص المحاضرة و يدوب لية داخل الحمام و دخل علي الشتيمة بالظبط
فبصلي اوي و ركز في وشي كدة انا من بعديها قولت انا اكيد هشيل مادة الدكتور ده بس الحمد لله الدكتور نسي الموقف و نجحت في المادة بس الصراحة انا كنت خايف جدا

موضوع جميل جدااا يا امير وبجد فكرة هايلة قوي
احيك علي مجهودك الرائع

ولي عودة بس افتكر المواقف

يبدو ان الموضوع لم ينل اعجابكم ولم يساور اهتمامك لذا ارجو من مدير المنتدي حذف الموضوع

هو مو ضوع كويس بس عاوز شوية جرااااااااااااااااة

و يبدو ان مفيش حد عنده الجرأة دي
يا ريت الموضوع يتمسح بسرعة يا ادمن

لآ يا امير انا عندي الجراءة اني اقول

بص يا سيدي

في يوم كنت انا واتنين صحابي قوي يعني كنا رايحين لواحدة صحبتنا في بيتها نطمن عليها
واحنا نازلين من الاتوبيس خلاص فا صحبتي وقعت وكان وقتها معدي شباب وطبعا وهي نازلة من الاتوبيس خدتنا في ايدها بس هي وقعت علي الارض احنا اتشنكلنا طبعا من الواقعة حسيت انها سجدت علي الارض احنا ضحكنا وفي نفس الوقت مش قادرين نبص لبعض من الموقف خصوصا ان منظرنا كان وحش قوي والشباب بتقولنا اسم الله عليكي ياحلوة منك ليها واحنا كنا بنات ثانوي يعني المنظر كان اوفر قوي
ومن ساعتها انا مش نسيهالها ودايما بقولها امشي بعيد شوية لانها من عدتها لما بتمشي بترمي علي الايمين يعني اي حد ماشي جمبها ممكن يدخل علي اي حد من غير ما يحس بس هي الحمد لله مع الوقت بدات تتعدل


وفي موقف تاني بردوه كنا اربع بنات نازلين من الدرس وكان الدرس ده في الشارع اللي ساكن في ولاد عمي وقتها ابن عمي كان معجب بواحدة من صحابي وهي نفس الكلام فا كان جاي يسلم عليا ويطلعني بره لحد الشارع واحنا ماشين كان في بلاعة صغيرة فا صحبتي اللي هي معجبة بابن عمي ده وهو معجب بيها جت من جمبي قبلتها في وشها بلاعة واحنا بنتكلم انا وابن عمي لقيت صحبتي دي في البلاعة وبتعيط وبتضحك وانا طبعا مش قادرة امدلها ايدي لاني وقتها كنت بموت من الضحك ومنظهر كان وحش قوي
تقريبا وقتها مكلمتنيش بتاع يومين كدا بسبب الموقف ده

نيجي لموقف تاني كنت يا سيدي في امتحان الدبلوم وعندي بقي امتحان رياضة وما ادراك ماالرياضة ولا احبها ولا تحبني المهم انا كنت باخد في المادة دي درس بس لما لقينا المستر بتاع المادة دي مش كويس وعلي طول بيحب الهزار قررنا اننا منخدش وبعدين احنا منعرفش مدرس تاني غيره لانه الاول علي المدرسة في المادة دي المهم قبل الامتحان بشهر هما خدو معه درس لاكن انا مخدتش لاني كنت حالفة كنت باخد منهم الورق اصوره واذكره انا دخلت بقي الامتحان عاوزة اقولك اني محلتش غير مسالة وكانت مسالة هيفا قوي وطبعا كان كل واحدة من صحابي بتحل مع العلم اننا كلنا في لجنة واحدة فا صحبتي اللي وقعت في البلاعة دي اصلا الانتيم بتعتي فاهي كانت قعدة ورايا فا بقولها انا خلصت تقولي بجد قولتلها لا يا عبيطة انا كتبت الاسئلة وسيبت مكان الاجابة لحد ما تخلصي وتغششيني قلتلي بس بشرط ادام الرياضة الانجليش يعني عملت مصلحة معايا قولتلها ماشي وقتها طبعا كنا بنهمس وبنبدل الورق من تحت الديسك قفشتنا بقي المراقبة وبعدين قالت محضر غش لقيت صحبتي دي بتعيط وانا عمالة اضحك راحت المراقبة دي وخداني ومعقدني لوحدي علي جمب وقلتلي حلي لاكن الجمب اللي قعدتني في كان في ادامي بت شاطرة غششتني وفي الاخر جبت اعلي من صحبتي دي في الرياضة


بص انا حكتلك المواقف دي وفي مواقف تاني
بس عاوزة اقولك انك لازم تصبر علي اي موضوع تعمله
وتسلم بجد يا امير علي الموضوع

صبح يا ميرووووووووووووووووووووووو
الموقف دا مش اكتر حاجة محرجة بس اللى افتكرته
كنت مستنى واحد صاحبى ورايحين نلعب كورة ولما نزل بقوله اتاخرت ليه قالى فكك ياض طبعا طيبة قلبى مخلتنيش اسكت فرديت عليه بشتيمة صعبة اوووووووووى ولحسن حظى ببص لقيت من اللى واقف جبنى ولدته..............بصراحة اتمنيت الارض تنشق وتبلعنى بس بيس هى عملت من بنها ومعلقتش

هههههههههههههههههههههه
علي فكرة يا بوسي انا اللي مخلينش اصبر ان انا قبل الموضوع ده سألت صحابنا اللي معانا هنا في المنتدي
علي فكرة الموضوع قالولي جااااااامدة و كدة و كل واحد قال انا اول واحد هحطت رد
لكن اللي حصل انا اعد 3 ايام مفيش ولا رد فافتكرت انا الموضوع ملهوش اهمية
و شكرا لمساهمتك انت و التوتي ( ابن جهتي )

ههههههههههههههه ماشي يا ابن جهته ... هقولك الموقف اللى حصل معايا
كنت بعد المدرسة طالع انا وواحد صاحبي من المدرسة بيقولي تعالي نمشي شوية وكده قولتلوا لا فكك انا تعبان وكده قالي ياعم يالا شوية ونروح قولتلوا اشطه يالا بينا
المهم واحنا ماشيين لقينا بنتين الواد قالي يالا بينا قولتلوا بلاش فكك قالي يالا بس وانا ماكنتش راضي وهو مصمم قالي يالا بس نظبط الكلام وكده ايام الفشل قولتلوا ماشي هو راح يكلم واحده منهم من علي الشمال واتا بظبط التانية من علي اللمين هو ظبط وانا ظبط مرة واحده لقيتوا بيقول للي انا ظبطها روحي وضربها بالقلم راحت البنت جرية وقالي يالا بينا وانا ماشي بقالي ربع ساعه بقولوا مين دي ومش عارف ايه بيقولي دي اختي انا معرفتش امسك نفسي من كتر الضحك وهو ساكت مش عارف يقول اي حاجه وانا ماكنتش عارف امسك نفسي
موضوع جامد يا امير وسوري ماكنتش بدخل كنت مشغول في كام حاجه كده علشان كده معرفتش احط الرد

الموضوع دة هيكشف المستور

الموضوع ده جامد جداا
انا بقى الى حاصلى انا كنت انا واتنين اصحابى اكتر من اخواتى كانا رايحين نتمشى فى الجنينة الى على السريع وكان فى شباب كتير جداا وكنا عاملين بقا بنات ايه استيل وااتكيت وحده منهم وقعت فى الطينة مكناش عارفين نعمل ايه بس كل الى طالع علينا ان احنا نضحك وهى وقعا فى الارض قاعدة تزعق وبدل ما احنا نشلها الشباب هما الى جم شالوها بيسلالونا تعرفوها قولنلهم لا من سعاتها من بعدى من هناك لوحدى ابدااا